બિનખેતી આકારના દરની આકારણી તથા વસુલાત બાબત.

 બિનખેતી આકારના દરની આકારણી તથા વસુલાત બાબત.

પરિપત્ર ક્રમાંક:- એસસીએ/૯૧૬૪/૦૫/૧૩૫૨/૦૫/ક સચિવાલય, ગાંધીનગર. તારીખ:- ૩૧ /૦૫/૨૦૦૬.

વંચાણે લીધું:- (૧) મહેસૂલ વિભાગનું જાહેરનામું ક્રમાંક: એલઆરઆર-૧૦૨૦૦૨-૧૬૪૦-ક તા. ૨૬/૧૨/૨૦૦૩.

પરિપત્ર

નામદાર હાઈકોર્ટમાં ગુજરાત બ્લેક ટેપ કવોરી ઈન્ડસ્ટીઝ એસોસીએશન, મેસર્સ અતિક મેટલ ઈન્ડસ્ટીઝ, જે.કે.પેપર મિલ્સ લિમિટેડ, ગુજરાત સિધ્ધિ સિમેન્ટ લિમિટેડ તથા અન્ય દવારા એસસીએ/૮૪૭૧/૨૦૦૪, એસસીએ/૧૦૧૪૩ થી १०१८८/२००४, એસસીએ/૧૦૭૧૨/૨૦૦૪, એસસીએ/૧૦૫૨૪ थी ૧૦૫૫૯/૨૦૦૪, એસસીએ/૯૧૬૪/૨૦૦૫, એસસીએ/૧૬૫૬૬/૨૦૦૫ તથા એસસીએ/૭૯૮૬/૨૦૦૫ દાખલ કરી રાજય સરકાર દવારા તા. ૨૬/૧૨/૨૦૦૩ ના વંચાણે લીધેલ જાહેરનામાથી સુધારવામાં આવેલ બિનખેતી આકારના દર તથા બિનખેતી હેતુના વર્ગીકરણમાં કરવામાં આવેલ ફેરફારની બાબતે દાદ માંગવામાં આવેલ હતી. નામદાર હાઈકોર્ટ દવારા તા. ૧૨/૫/૨૦૦૪,૧૪/૧૦/૨૦૦૪, તા. ૨૮/૪/૨૦૦૫ તથા તા. ૧૨/૮/૨૦૦૫ ના રોજ આપેલ ચુકાદા મુજબ "સી " કક્ષાના ગામોમાં રહેણાંક અને સખાવતી હેતુ સિવાયના અન્ય હેતુ માટેના બિનખેતી આકારના દર પ્રતિ ચો.મી. ૨૫ પૈસાના બદલે ૧૫ પૈસા કરવાની બાબત સરકારશ્રીની વિચારણા હેઠળ હતી. પુખ્ત વિચારણાના અંતે નીચે મુજબની સૂચનાઓ પરિપત્રિત કરવામાં આવે છે.

(૧) "સી" વર્ગના ગામોમાં રહેણાંક અને સખાવતી હેતુ સિવાયના અન્ય હેતુ માટે પ્રતિ ચો.મી. ૨૫ પૈસાના દરને બદલે પ્રતિ ચો.મી.ના ૧૫ પૈસા મુજબ બિન ખેતી આકારની વસૂલાતની કાર્યવાહી કરવાની રહેશે.

(૨) આ વસૂલાત તા. ૧/૮/૨૦૦૩ થી શરૂ થતાં મહેસૂલી વર્ષથી (પશ્ચાતવર્તી અસરથી) કરવાની રહેશે.

(૩) જે કિસ્સામાં પ્રતિ ચો.મી. ૨૫ પૈસાના દરે વસૂલાત કરવામાં આવેલ હોય તેવા કિસ્સામાં વધારે ભરાયેલ બિનખેતી આકારની રકમ પરત આપવાની રહેશે નહીં. પરંતુતે વસૂલાતની રકમ ત્યારપછીના મહેસૂલી વર્ષની બિનખેતી આકારની નિયમાનુસાર લેણી રકમ સામે મજરે આપવાની રહેશે/સરભર(ADJUST) કરવાની રહેશે.

२. ઉપર્યુકત સ્પષ્ટતાઓ ધ્યાને લઈને જરૂરી કાર્યવાહી કરવા અને આ સૂચનાઓ પોતાના તાબાના અધિકારીઓના ઘ્યાને લાવવા આથી તમામ અધિકારીઓને વિનંતી કરવામાં આવે છે.

ગુજરાતના રાજયપાલશ્રીના હુકમથી અને તેમના નામે,